Դեսպան Հարությունյանի մասնակցությունը «Ապագայ» շաբաթաթերթի հիմնադրման 50-ամյակին նվիրված միջոցառմանը

03 նոյեմբերի, 2025

Նոյեմբերի 1-ին ՀՀ դեսպան Անահիտ Հարությունյանը Մոնրեալում ներկա գտնվեց Թեքեյան մշակութային միության «Ապագայ» շաբաթաթերթի հիմնադրման 50-ամյա հոբելյանին նվիրված միջոցառմանը և հանդես եկավ ելույթով։

Շնորհավորելով հոբելյանի առիթով՝ ՀՀ դեսպանն ընդգծեց Կանադայի առաջին եռալեզու հայկական «Ապագայ» շաբաթաթերթի հիմնադրման գործում առաջամարտիկների՝ դոկտոր Արշավիր Գյոնջյանի, թերթի առաջին խմբագիր Արսեն Նուբար Մամուռյանի և նրանց համակիրների ջանքերը։ Ա. Հարությունյանը նկատեց նաև, որ «Ապագայ»-ն հանդիսացել է ՀՀ անկախության և Օտտավայում ՀՀ դեսպանության հիմնադրման տարիների կենդանի ականատեսը։

Միջոցառմանը ներկա էին նաև կանադահայոց թեմի առաջնորդ Գերաշնորհ Տ. Աբգար եպիսկոպոս Հովակիմյանը, Քվեբեկում ՀՀ պատվո հյուպատոս Լևոն Աֆեյանը, Քվեբեկի խորհրդարանի պատգամավոր Սոնա Լախոյանը, հոգևոր հայրեր, ինչպես նաև ՀՀ ԶՈւ փոխգնդապետ, մարզիկ Սարգիս Ստեփանյանը և համայնքային կառույցների ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր