Դեսպան Հարությունյանի հանդիպումը Կարլտոնի համալսարանի ուսանողների հետ

09 դեկտեմբերի, 2025

Դեկտեմբերի 5-ին, Կանադայում ՀՀ դեսպանատանը տեղի ունեցավ Օտտավայի Կարլտոնի համալսարանի Եվրոպայի, Ռուսաստանի և եվրասիական ուսումնասիրությունների ինստիտուտի ուսանողների ավանդական դարձած հանդիպումը դեսպան Անահիտ Հարությունյանի հետ։ Ուսանողներին ուղեկցում էր նույն համալսարանի պրոֆեսոր Ջեֆ Սահադեոն։

Ա. Հարությունյանը, ջերմորեն ողջունելով հյուրերին, ներկայացրեց ՀՀ արտաքին քաղաքականության գերակայությունները, հայ-կանադական քաղաքական օրակարգը, ՀՀ առջև ծառացած անվտանգային մարտահրավերները և վերջին զարգացումները Հվ. Կովկասում, «Խաղաղության խաչմերուկի» նախագծի և Վաշինգտոնյան համաձայնությունների, այդ թվում՝ «Թրամփի ուղի՝ հանուն միջազգային խաղաղության և բարգավաճման» (TRIPP) ծրագրի լույսի ներքո, ինչպես նաև Հայաստանի՝ անմիջական հարևանների հետ հարաբերությունները:

ՀՀ դեսպանը պատասխանեց ներկաներին հուզող բազմաթիվ հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր