«Արտադրված է Հայաստանում, արտադրված է հայերի կողմից» երկօրյա տոնավաճառ Կանադայում ՀՀ դեսպանատանը

16 փետրվարի, 2026

Փետրվարի 12-13-ը Կանադայում ՀՀ դեսպանատանը տեղի ունեցավ «Արտադրված է Հայաստանում, արտադրված է հայերի կողմից» երկօրյա տոնավաճառը։

Տոնավաճառին մասնակցեցին մի շարք հայկական ընկերություններ, որոնք հայկական ապրանքներ են ներկրում Հայաստանից Կանադա, և կանադահայ համայնքի ներկայացուցիչներ, որոնք գործունեություն են ծավալում Կանադայում։

Հայկական տոնավաճառ այցելեցին բազմաթիվ հյուրեր, այդ թվում՝ Կանադայի ԱԳ նախարարության պաշտոնյաներ, Կանադայում հավատարմագրված դեսպաններ և դիվանագետներ, ինչպես նաև ուսանողներ և հասարակության այլ շրջանակներ։

Միջոցառումը, մեծ հետաքրքրություն առաջացնելով ներկաների մոտ, հնարավորություն տվեց վերջիններիս ծանոթանալու հայկական արտադրանքին, մշակույթին, հարուստ ավանդույթներին և ստեղծագործական մտքին։ Նախաձեռնությունը նաև առիթ ընձեռեց խրախուսելու հայկական ապրանքներ արտադրողներին և ներկրողներին։

ՀՀ դեսպանությունն իր անկեղծ շնորհակալությունն է հայտնում տոնավաճառի մասնակիցներին համագործակցության համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր