Դեսպան Հարությունյանը ելույթ ունեցավ Տորոնտոյի «Հայաստան» հիմնադրամի ամենամյա դրամահավաք-ընթրիքին

28 հոկտեմբերի, 2025

Հոկտեմբերի 26-ին ՀՀ դեսպան Անահիտ Հարությունյանը ներկա գտնվեց Տորոնտոյի «Հայաստան» հիմնադրամի ամենամյա դրամահավաք-ընթրիքին և հանդես եկավ ելույթով։ Միջոցառումը կրում էր «Կատարենք ներդրում հիմա ավելի լուսավոր ապագա կերտելու նպատակով» խորագիրը։

Իր միանշանակ աջակցությունն արտահայտելով «Հայաստան» համահայկական հիմնադրամի Կանադայի մասնաճյուղի գործունեությանը՝ ՀՀ դեսպանն իր խոսքում կարևորեց վերջինիս նվիրատուների անսասան հանձնառությունը Հայաստանին և հայ ժողովրդին աջակցելու հարցում։ Ա. Հարությունյանն իր համոզմունքը հայտնեց, որ «մենք ենք կերտում մեր ապագան մեր ներդրումներով, տեսլականով և գործողություններով»։

Երեկոյի հիմնական բանախոսն էր «Սինոփսիս Արմենիա» (“Synopsys Armenia”) ընկերության նախագահ և ՀԲԸՄ փոխնախագահ Երվանդ Զորյանը:

Տորոնտոյի «Հայաստան» հիմնադրամի տնօրեն Վազգեն Ալթունյանը մանրամասներ ներկայացրեց կառույցի տարեկան հաշվետվության, ինչպես նաև ընթացիկ ծրագրերի վերաբերյալ։
Ընթացիկ նախագծերի թվում է ՀՀ Կոտայքի մարզի Բալահովիտ գյուղում բնակելի թաղամասի կառուցումը 8 հաշմանդամ զինվորների և նրանց ընտանիքների համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր