«Առանձնահատուկ բարեկամություն». ՀՀ դեսպան Հարությունյանի հարցազրույցը «Diplomat & International Canada» ամսագրին

31 հոկտեմբերի, 2025

ՀՀ դեսպանության հիմնադրման 30-րդ տարեդարձի շրջանակներում Ն.Գ. ՀՀ դեսպան Անահիտ Հարությունյանը հարցազրույց է տվել կանադական «Diplomat & International Canada» ամսագրին*։

«Առանձնահատուկ բարեկամություն» վերտառությամբ հարցազրույցում ՀՀ դեսպանը բարձր է գնահատել հայ-կանադական հարաբերությունների ներկա մակարդակը՝ կարևորություն տալով տարբեր ոլորտներում համագործակցության հետագա ընդլայնմանն ու խորացմանը։

Անդրադառնալով ՀՀ դեսպանության շենքի հիմնադրման պատմությանը՝ Ա. Հարությունյանը մեծապես կարևորել է կանադահայ համայնքի ներդրումն այդ գործում։ Զբոսաշրջության տարբեր ոլորտների մասին խոսելիս տիկին դեսպանը ներկայացրել է նաև Հայաստանի գրավչության մասին ուշագրավ տեղեկատվություն։

Դեսպանի ամբողջական հարցազրույցը կարող եք ընթերցել ամսագրի պաշտոնական կայքում՝
https://issuu.com/diplomatonline.com/docs/diplomat_international_canada_fall_2025

* «Diplomat & International Canada»-ն Կանադայում թողարկվող միակ ամսագիրն է, որն անդրադառնում է երկրում հավատարմագրված դիվանագիտական առաքելությունների գործունեությանը։ Ամսագիրը լույս է տեսնում տարվա մեջ երկու անգամ և լայն տարածում ունի քաղաքական, դիվանագիտական և գործարար շրջանակներում։ Վերոնշյալ հարցազրույցը տեղի է ունեցել 2025թ. սեպտեմբերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր