ՀՀ դեսպան Հարությունյանի հարցազրույցը «The Canadian Press» լրատվական գործակալությանը

20 մայիսի, 2026

ՀՀ դեսպան Անահիտ Հարությունյանը հարցազրույց է տվել կանադական «The Canadian Press» լրատվական գործակալությանը։

Ա. Հարությունյանը բարձր է գնահատել հայ-կանադական հարաբերությունների ներկա մակարդակը՝ կարևորելով տարբեր ոլորտներում համագործակցության հետագա ընդլայնումն ու խորացումը։

ՀՀ դեսպանը բնորոշել է Կանադայի վարչապետ Մարկ Քարնիի այցը* Երևան որպես կարևոր քայլ երկկողմ հարաբերությունների համատեքստում, ինչը նպաստավոր պայմաններ է քաղաքական երկխոսությունը հստակ համագործակցության վերածելու համար, այդ թվում՝ առտևրի և տնտեսական շփումների տեսքով՝ միաժամանակ անդրադառնալու Հայաստանի ժողովրդավարական ուղուն, ինչպես նաև վերջինիս որդեգրած խաղաղության օրակարգին։
Ա. Հարությունյանն ընդգծել է, որ «Կանադայի աջակցությունը Հայաստանի ժողովրդավարությանը կարևոր է, քանի որ այն ուժեղացնում է ՀՀ ժողովրդավարական ինստիտուտների դիմակայունությունը, և ուղերձ է հղում, առ այն՝ Հայաստանի պես ժողովրդավար երկրներին հարկավոր է աջակցել»։

ՀՀ դեսպանի ամբողջական հարցազրույցը կարող եք ընթերցել գործակալության պաշտոնական կայքում կամ վերջինիս գործընկեր ԶԼՄ-ների, օրինակ՝ «CTV» լրատվական գործակալության պաշտոնական կայքերում`
https://www.thecanadianpressnews.ca/politics/armenian-ambassador-praises-canada-as-group-accuses-carney-of-dialing-down-peace-push/article_a25fdd44-b91f-5483-ac18-57c5ca31d502.html
https://www.ctvnews.ca/politics/article/armenian-ambassador-praises-canada-as-group-accuses-carney-of-dialing-down-peace-push/

Նկարը՝ THE CANADIAN PRESS/Justin Tang

* Կանադայի վարչապետն այցելել է Երևան մայիսի 3-4-ը՝ մասնակցելու Եվրոպական քաղաքական համայնքի 8-րդ գագաթնաժողովին՝ Եվրոպական խորհրդի նախագահ Անտոնիու Կոշտայի և ՀՀ վարչապետ Նիկոլ Փաշինյանի հրավերով։ Նրա գլխավորած պատվիրակության կազմում է գտնվել նաև Կանադայի ԱԳ նախարար Անիտա Անանդը։

Մայիսի 3-ին տեղի է ունեցել ՀՀ և Կանադայի վարչապետների հանդիպումը՝
https://www.primeminister.am/hy/press-release/item/2026/05/03/Nikol-Pashinyan-Prime-Minister-of-Canada/

Մայիսի 3-ին տեղի է ունեցել նաև ՀՀ և Կանադայի ԱԳ նախարարների հանդիպումը՝
https://www.mfa.am/hy/press-releases/2026/05/03/Mirzoyan_Anand/13914 :

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր