Դեսպան Հարությունյանի աշխատանքային այցը Միսիսագա

05 հունիսի, 2026

Մայիսի 24-ին ՀՀ դեսպան Անահիտ Հարությունյանն աշխատանքային այց կատարեց Միսիսագա քաղաք։

Ա. Հարությունյանը Միսիսագայում ներկա գտնվեց Կանադայի ամենամյա ամենախոշոր մշակութային իրադարձության` Կարասագայի փառատոնի հայկական տաղավարում՝ ծանոթանալով ներկայացված ապրանքներին և հայկական մշակույթի այլ տարրերին։

Իր ելույթում անդրադառնալով փառատոնի «Սպորտ»* թեմային՝ ՀՀ դեսպանը ողջունեց հայ անվանի մարզուհի, ծանրամարտիկ, Աշխարհի և Եվրոպայի չեմպիոն Նազիկ Ավդալյանին հրավիրելու որոշումը։
Ա. Հարությունյանն շնորհակալություն հայտնեց կազմակերպչական ողջ թիմին՝ ի դեմս Միսիսագայի Սուրբ Վարդան Հայաստանյայց Առաքելական Եկեղեցու և հայկական համայնքի ներկայացուցիչ Նուշ Թահթաջյանի, ինչպես նաև բոլոր նրանց, որոնք յուրաքանչյուր տարի մեծ ջանք են ներդնում հայկական մշակույթը ներկայացնելու և հանրահռչակելու գործում։

* Փառատոնի այս տարվա թեման ընտրվել է «Սպորտը», քանի որ Կանադան Ֆուտբոլի աշխարհի 2026թ. առաջնությունը հյուրընկալող երկրների թվում է։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր