Դեսպանի այցը Քելոնա, Բրիտանական Կոլումբիա

17 մայիսի, 2012

Ս. Թ. մայիսի 13-16-ը ՀՀ դեսպան Արմեն Եգանյանն այցելեց Կանադայի Բրիտանական Կոլումբիա նահանգ, մասնավորապես` Քելոնա քաղաք և Օկանոգան հովտի շրջան: Այս վայրերը Կանադայում հայտնի են տնտեսական ոլորտում իրենց բարձր առաջընթացով և ակտիվ տնտեսական գործունեությամբ:

ՀՀ դեսպանը այցելեց խաղողագործական ընկերություն (Ancient Hill), փայտամշակման արտադրություն (Gorman), շինարարական խոշորագույն ընկերություն (Stober Construction), Հյուսիսային Ամերիկայում օդանավերի վերանորոգման եւ օդաչուների նախապատրաստման առաջատար ընկերություն (FlightCraft), որտեղ ծանոթացավ նրանց աշխատանքներին:

Ա. Եգանյանը այցելեց նաև բարձր տեխնոլոգիաների ոլորտում գործունեություն ծավալող ընկերություններ (QVH Technologies, Rack Force), ինչպես նաև Բրիտանական
Կոլուբիայի համալսարան:

Այցի ավարտին ՀՀ դեսպանը տեղական հանդիպում ունեցավ քաղաքապետ Ուոլթըր Գրեյի հետ, որը ներկայացրեց քաղաքի զարգացման հիմնական ոլորտները եւ գրեթե կես միլիարդին հասնող քաղաքային բյուջեի առաջացման աղբյուրները:

Այցի ողջ ընթացքում ՀՀ դեսպանը ներկայացրեց ՀՀ տնտեսության կարևոր բնագավառները, երկրում առկա գործարար մթնոլորտը, ինչպես նաև առաջարկեց երկկողմ համագործակցության բազմաթիվ եզրեր:

Լուսանկարներ

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր