ՀՀ դեսպանը Խոջալուի իրողությունն է ներկայացրել նախարար Վան Լոանին

27 փետրվարի, 2013

Փետրվարի 27-ին Կանադայում ՀՀ դեսպան Արմեն Եգանյանը հանդիպեց նախարար, Կանադայի խորհրդարանում Կառավարության ղեկավար Պետեր վան Լոանին:

Երկկողմ խորհրդարանական հարաբերություններին վերաբերող մի շարք հարցերի քննարկումից հետո դեսպան Եգանյանը նախարարի հետ զրուցեց Խոջալուի դեպքերի մասին` ներկայացնելով իրականությունը իրադարձությունների վերաբերյալ: Դեսպանը նշեց, որ, ցավոք, Ադրբեջանը որդեգրել է նշված ողբերգությունը կեղծ քարոզչության վերածելու ճանապարհը: Ա.Եգանյանը ողջունեց արցախյան հիմնախնդրի խաղաղ հանգուցալուծման ԵԱՀԿ Մինսկի Խմբի ձևաչափին Կանադայի աջակցությունը:

Հանդիպման ավարտին ՀՀ դեսպանը նշեց, որ Հայաստանը և հայ ժողովուրդն երախտապարտ են Կանադայի խորհրդարանին և կառավարությանը Հայոց ցեղասպանության ճանաչման համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր