Կանադայում ՀՀ դեսպանությունը մասնակցեց ամենամյա «Մշակույթների տոնին»

04 ապրիլի, 2014

Ինչպես նախորդ տարիներին, այս տարի ևս Կանադայում ՀՀ դեսպանությունը Օտտավահայ մշակութային կազմակերպության հետ համատեղ մասնակցեց «Մշակույթների տոն» միջոցառմանը, որը կայացավ ապրիլի 3-ին Օտտավայի Ալգոնքինի կիրառական արվեստների և տեխնոլոգիաների քոլեջում:

Տարբեր ազգերի մշակույթներին նվիրված միջոցառմանն իրենց տաղավարներով հանդես եկան շուրջ երկու տասնյակ դեսպանությունների և տուրիստական կազմակերպությունների ներկայացուցիչներ:

ՀՀ դեսպանության տաղավարը ներկայացել էր հայկական դուդուկով ու խաչքարով, հայ մշակույթի մասին պատմող նյութերով ու զբոսաշրջային բրոշյուրներով, իսկ հայ կամավորները մատուցում էին հյուրերին հայկական ուտեսներ: Ներկաներին ցուցադրվեց նաև Հայաստանի տեսարժան վայրերի և մշակույթի վերաբերյալ «Հայաստանը քեզ հետ» ֆիլմը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր