Կանադական խորհրդարանական պատվիրակության այցը ՀՀ

29 օգոստոսի, 2014

Օգոստոսի 25-26-ը կայացավ կանադական խորհրդարանական պատվիրակության այցը Հայաստան` ի դեմս իշխող պահպանողական կուսակցության անդամներ Բրեդ Բաթի, Լեոն Բենուայի և Ռաս Հյուբերտի: Այցը կազմակերպված էր «Մեկ ազատ աշխարհ» հասարակական կազմակերպության աջակցությամբ, որի ղեկավարն է Մաջեդ էլ Շաֆին:

Խորհրդարանական պատվիրակությանը ընդունեցին ՀՀ ԱԺ նախագահ Գալուստ Սահակյանը, ՀՀ արտաքին գործերի նախարար Էդվարդ Նալբանդյանը, սփյուռքի նախարար Հրանուշ Հակոբյանը և հայ-կանադական խորհրդարանական բարեկամության խմբի ղեկավար Հովհաննես Սահակյանը: Հանդիպումների ընթացքում քննարկվել է հայ-կանադական հարաբերությունների խորացումը և խորհրդարանականների փոխայցելությունների կարևորությունը երկկողմ կապերի արդյունավետ զարգացման տեսանկյունից: Քննարկման առարկա են հանդիսացել Հայոց ցեղասպանության 100-ամյա տարելիցի ոգեկոչման միջոցառումները, փոխադարձ աջակցությունը միջազգային կազմակերպություններում և խորհրդարանական բարեկամության խմբերի արդյունավետ համագործակցությունը:

Պատվիրակությունը այցելեց Մայր Աթոռ Սուրբ Էջմիածին, Հայոց ցեղասպանության թանգարան-ինստիտուտ և ծաղկեպսակ տեղադրեց Մեծ Եղեռնի անմեղ զոհերի հիշատակին նվիրված Ծիծեռնակաբերդի հուշահամալիրին:

Խորհրդարանական պատվիրակության այցը գալիս է լրացնելու վերջերս կայացած մի շարք այլ փոխայցելությունների:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր