ԼՂՀ ԱԳ նախարարի և ՀՀ դեսպանի համատեղ այցը Մոնրեալ

06 նոյեմբերի, 2014

Լեռնային Ղարաբաղի Հանրապետության արտաքին գործերի նախարար Կարեն Միրզոյանի Կանադա աշխատանքային այցի ավարտին տեղի ունեցավ նախարարի` Կանադայում ՀՀ դեսպան Արմեն Եգանյանի ուղեկցությամբ այցելությունը Մոնրեալ:

Այցելության շրջանակներում նախարարը և դեսպանը այցելել են Կանադայի Հայոց թեմի առաջնորդարան, այլ կղերական և համայնքային կառույցներ:

Հոկտեմբերի 30-ին տեղի է ունեցել համայնքային հանդիպում նախարարի, դեսպանի և ԱՄՆ-ում Արցախի ներկայացուցիչ Ռոբերտ Ավետիսյանի հետ, որի ընթացքում ներկաներին հնարավորություն է ընձեռնվել մանրամասն տեղեկատվություն ստանալ Արցախում տեղի ունեցող գործընթացների, զարգացումների և խնդիրների վերաբերյալ:

Նախարարը Մոնրեալում նաև հանդիպումներ ունեցավ Քվեբեքի նահանգային խորհրդարանի մի շարք անդամների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր