Տորոնտոյում նշանակվել է Հայաստանի Հանրապետության պատվավոր հյուպատոս

12 նոյեմբերի, 2015

Համաձայն Հայաստանի Հանրապետության Արտաքին Գործերի նախարար Ն.Գ. Էդվարդ Նալբանդյանի` 2015թ. հոկտեմբերի 05-ի հրամանի, Կանադայի քաղաքացի Պերճ Սվազլեանը նշանակվել է ՀՀ պատվավոր հյուպատոս Կանադայի Տորոնտո քաղաքում: Պատվավոր հյուպատոսի իրավասության շրջանն ընդգրկում է Կանադայի Օնտարիո նահանգը:

Նոյեմբերի 12-ին դեսպան Արմեն Եգանյանը ՀՀ դեսպանությունում նորանշանակ պատվավոր հյուպատոսին հանձնեց Կանադայի արտաքին գործերի, առևտրի և զարգացման նախարարությունից ստացված հյուպատոսական արտոնագիրը (exequatur) և ինքնության վկայականը:

Դեսպան Եգանյանը շնորհավորեց պարոն Սվազլեանին նշանակման կապակցությամբ և հաջողություն մաղթեց նրան իր գործունեության ընթացքում: Պարոն Սվազլեանն իր հերթին վերահաստատեց իր պատրաստակամությունը` գործունեություն ծավալելու Հայաստանի և Կանադայի միջև հարաբերությունների առավել զարգացման և սերտացման ուղղությամբ:

Տեղեկանք` Տորոնտոյում ՀՀ պատվավոր հյուպատոսի առաջնային գործառույթը հանդիսանալու է հայ-կանադական երկկողմ տնտեսական և կրթամշակութային հարաբերությունների ակտիվացմանն ուղղված համապատասխան քայլերի ձեռնարկումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր