Դեսպան Եգանյանը Մոնրեալում մասնակցեց ՀՅԴ 125-րդ տարեդարձին նվիրված միջոցառմանը

15 նոյեմբերի, 2015

Նոյեմբերի 15-ին Կանադայում ՀՀ դեսպան Արմեն Եգանյանը Մոնրեալ քաղաքում մասնակցեց Հայ Յեղափոխական Դաշնակցության 125-րդ տարեդարձին նվիրված հանդիսավոր միջոցառմանը:

Երեկոյին ներկա էին Գերաշնորհ Տեր Մեղրիկ Եպիսկոպոս Բարիքեանը, հոգևոր հայրեր, հասարակական-քաղաքական գործիչներ, ՀՅԴ բարձրաստիճան ներկայացուցիչներ, կանադահայեր:

Դեսպան Եգանյանը ՀՅԴ Կանադայի կենտրոնական կոմիտեի ներկայացուցիչներին շնորհավորեց կուսակցության տարեդարձի առթիվ` ընդգծելով այն կարևոր դերակատարությունը, որ Դաշնակցությունն ունեցել է իր գոյության 125 տարիների ընթացքում` իր ուրույն հետքը թողնելով հայ ժողովրդի պատմության մեջ: Ելույթներով հանդես եկան ՀՅԴ բարձրաստիճան ներկայացուցիչներ, այդ թվում հիմնական ելույթով հանդես եկավ ՀՅԴ բյուրոյի անդամ Խաչիկ Մուրադյանը:

Երեկոյի ընթացքում ՀՅԴ երիտասարդական և պատանեկան միությունների անդամները հանդես եկան երաժշտական կատարումներով: Ներկայացվեցին պատառիկներ կուսակցության պատմությունից, ցուցադրվեց վավերագրական ֆիլմ ՀՅԴ գործունեության մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր