Դեսպան Եգանյանը Մոնրեալում մասնակցեց Հանուն մարդկության և ցեղասպանությունների կանխարգելմանն ուղղված քայլերթին

08 մայիսի, 2016

Մայիսի 8-ին Կանադայում ՀՀ դեսպան Արմեն Եգանյանը Մոնրեալ քաղաքում մասնակցեց Հանուն մարդկության և ցեղասպանությունների կանխարգելմանն ուղղված քայլերթին` նախաձեռնված Կանադայի հայկական կազմակերպությունների կողմից` Մոնրեալի Ցեղասպանագիտության Ինստիտուտի հետ համատեղ:

Քայլերթին մասնակցում էին նաև Կանադայի ժառանգության նախարար Մելանի Ժոլին, նահանգային ու քաղաքային իշխանությունների ներկայացուցիչներ, հոգևոր հայրեր, հասարակական-քաղաքական գործիչներ, հայ համայնքի բազմաթիվ ներկայացուցիչներ, լրագրողներ` ընդհանուր առմամբ շուրջ 2000 մարդ:

Քայլերթի մասնակիցները, դեսպան Եգանյանի և նախարար Ժոլիի առաջնորդությամբ, անցան Մոնրեալի փողոցներով և հավաքվեցին Արվեստների Կենտրոնի հրապարակում, ուր ներկաների առջև ելույթներով հանդես եկան Մելանի Ժոլին, հասարակական-քաղաքական գործիչներ և հայ համայնքային կառույցների ղեկավարներ: Այնուհետև կայացավ հիշատակի համերգ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր