Հայոց ցեղասպանության 100-րդ տարելիցի Կանադայի հանձնաժողովի ամփոփիչ նիստը

15 մայիսի, 2016

Մայիսի 15-ին Կանադայում ՀՀ դեսպանությունում կայացավ Հայոց ցեղասպանության 100-րդ տարելիցի Կանադայի հանձնաժողովի ամփոփիչ նիստը:

Նիստին մասնակցում էին Կանադայի հայկական կազմակերպությունները ներկայացնող, երկրի տարբեր շրջաններից ժամանած պատվիրակներ` ընդհանուր թվով շուրջ 20 հոգի:

Նիստին բացման խոսքով հանդես եկավ Կանադայում ՀՀ դեսպան Արմեն Եգանյանը, ով, ողջունելով ներկաներին, կարևորեց 100-րդ տարելիցի միջոցառումների համապարփակ ամփոփումը և այդ հիմքի վրա` հետագա տարիներին Կանադայում Հայոց ցեղասպանությանը նվիրված միջոցառումների պլանավորումը: Դեսպանն արձանագրեց, որ Ցեղասպանության 100-րդ տարելիցի առթիվ Կանադայում կայացած միջոցառումներն իրականացվել են բարձր մակարդակով` իրենց ներդրումն ունենալով այդ կապակցությամբ ողջ աշխարհում կայացած հիշատակի միջոցառումների մեջ:

Այնուհետև իրականացված աշխատանքի վերաբերյալ ելույթներով հանդես եկան հանձնաժողովի ղեկավար Մհեր Գարագաշեանը, ինչպես նաև հանձնաժողովի ներկայացուցիչները` մանրամասն կերպով անդրադառնալով Կանադայի տարբեր շրջաններում իրականացված հիշատակի միջոցառումներին:

Նիստի ընթացքում նախանշվեց հանձնաժողովի հետագա գործունեությանը վերաբերող ծրագրերի իրականացումը:

Արմեն Եգանյանի կողմից ՀՀ սփյուռքի նախարար Հրանուշ Հակոբյանի և Կանադայում ՀՀ դեսպանության պատվոգրերով պարգևատրվեցին 100-րդ տարելիցի միջոցառումների իրականացմանն ակտիվ մասնակցություն ցուցաբերած անձինք:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր