Հայոց ցեղասպանության թեմայով գրքի շնորհանդես Կանադայում ՀՀ դեսպանությունում

27 մայիսի, 2016

Մայիսի 27-ին Կանադայում ՀՀ դեսպանությունում կայացավ կանադահայ գրող Արամ Աճեմեանի «Կանչ Հայաստանից. Կանադայի պատասխանը Հայոց ցեղասպանությանը» վերնագրով գրքի շնորհանդեսը:

Միջոցառմանը մասնակցում էին հասարակական-քաղաքական գործիչներ, գիտնականներ, հայ համայնքի ներկայացուցիչներ, լրագրողներ:

Շնորհանդեսի ընթացքում հեղինակը մանրամասնորեն անդրադարձավ գրքի կառուցվածքին` ներկայացնելով բոլոր գլուխներն ու խոսելով Հայոց ցեղասպանությանն ի պատասխան` Կանադայից հնչած արձագանքներից: Արամ Աճեմեանն այնուհետև պատասխանեց ներկաների բազմաթիվ հարցերին:

Փակման խոսքով ելույթ ունենալով` Կանադայում ՀՀ դեսպան Արմեն Եգանյանը կարևորեց Կանադայում Հայոց ցեղասպանության թեմայով մասնագիտական գրականության ընդլայնումը և շնորհակալություն հայտնելով Արամ Աճեմեանին կատարած մեծածավալ աշխատանքի համար` վերջինիս հանձնեց ՀՀ դեսպանության պատվոգիրը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր