ՀՀ սփյուռքի նախարարության ամենամյա համահայկական մրցանակաբաշխություն

22 օգոստոսի, 2016

Հայաստանի Հանրապետության սփյուռքի նախարարությունը Համաշխարհային հայկական կոնգրեսի և Ռուսաստանի հայերի միության հետ համատեղ շարունակում է «Հայապահպանության գործում նշանակալի ավանդի համար» ամենամյա մրցանակաբաշխությունը:

Մրցանակաբաշխության նպատակն է խրախուսել Սփյուռքում հայ ազգային ինքնության պահպանման ու զարգացման հարցում կազմակերպությունների, տարբեր խմբերի, առանձին անհատների ունեցած ներդրումը, գնահատել և արժևորել այս ուղղությամբ հայկական համայնքների գործունեությունը:

Մրցանակաբաշխությունն անցկացվում է համաձայն ՀՀ սփյուռքի նախարարության և Համաշխարհային հայկական կոնգրեսի և Ռուսաստանի հայերի միության 2014թ. ապրիլի 14-ի համագործակցության հուշագրի:

2016թ. մրցանակաբաշխության անվանակարգերն են.

1.«Մայրենիի պաշտպան» (անհատներ),
2.«Լավագույն հայկական կրթօջախ» (ամենօրյա և մեկօրյա դպրոցներ),
3.«Սփյուռքյան լրատվամիջոցին` ՀՀ 25-ամյակին նվիրված լավագույն հրապարակումների համար» (հոդված, ակնարկ, սյունակ, խմբագրական),
4.«Սիրում եմ քե՛զ, ի՛մ Հայրենիք» մանկապատանեկան լավագույն ստեղծագործությունների մրցույթ (նկար, քանդակ (բնօրինակ, էսքիզ կամ լուսանկար), ձեռարվեստի գործ, դիզայն, երգ, բանաստեղծություն, պատմվածք):

Մանրամասներն` այստեղ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր