Դեսպան Եգանյանը մասնակցեց Արցախյան հակամարտության վերաբերյալ Օտտավայի համալսարանի ուսանողների կողմից կազմակերպված քննարկմանը

01 դեկտեմբերի, 2016

Դեկտեմբերի 1-ին Կանադայում ՀՀ դեսպան Արմեն Եգանյանը մասնակցեց Օտտավայի համալսարանի ուսանողների կողմից կազմակերպված` Արցախյան հակամարտության վերաբերյալ քննարկմանը:

Դեսպան Եգանյանն ունկնդրեց ուսանողների տարբեր խմբերի կողմից պատրաստված` Արցախյան հակամարտության կարգավորման վերաբերյալ նախագծերը, այնուհետև հանդես եկավ ելույթով` մանրամասն անդրադառնալով ուսանողների յուրաքանչյուր խմբի կողմից ներկայացված նախագծին և խոսելով դրանց իրականացման հնարավորությունների մասին: Դեսպանը ներկայացրեց Արցախյան հակամարտության խաղաղ կարգավորմանն ուղղված՝ Հայաստանի և ԵԱՀԿ Մինսկի խմբի համանախագահ պետությունների ջանքերը, խոսեց Ադրբեջանի ղեկավարության ապակառուցողական և ռազմատենչ քաղաքականությունից:

Քննարկման ավարտին Արմեն Եգանյանը պատասխանեց կանադացի ուսանողների բազմաթիվ հարցերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր