Դեսպան Եգանյանը մասնակցեց «Ո՞վ է գլոբալ հայը. հազարամյակի հեռանկար» թեմայով քննարկմանը Մոնրեալում

25 մարտի, 2017

Մարտի 25-ին Կանադայում ՀՀ դեսպան Արմեն Եգանյանը մասնակցեց «Ո՞վ է գլոբալ հայը. հազարամյակի հեռանկար» թեմայով քննարկմանը Մոնրեալում` կազմակերպված կանադահայ գործարար ու բարերար Լևոն Աֆեյանի կողմից:

Քննարկմանը մասնակցում էին կանադահայ հասարակական-քաղաքական գործիչներ և մեծ թվով կանադահայ երիտասարդներ:

Ձեռնարկի ընթացքում երեք խմբերի բաժանված մասնակիցները սկզբում Սփյուռքում հայապահպանությանը և Հայաստան-Սփյուռք կապերին վերաբերող հարցերի շուրջ առանձին քննարկումներ ունեցան իրենց խմբերում, այնուհետև կայացավ մտքերի միասնական ամփոփում, որի ընթացքում, որպես հիմնական բանախոսներ, հանդես եկան դեսպան Եգանյանը և ամերիկահայ բարերար Նուբար Աֆեյանը:

Իր խոսքում ՀՀ դեսպանը կոչ արեց քննարկմանը ներկա կանադահայ երիտասարդներին և ողջ կանադահայությանը` ակտիվ ձևով մասնակցություն ունենալ Հայաստանի և Արցախի կյանքին` նշելով, որ անտարբերությունն այդ հարցում անթույլատրելի է և կործանարար:

Քննարկման ընթացքում Արմեն Եգանյանն ու Նուբար Աֆեյանը պատասխանեցին ներկաներին հուզող բազմաթիվ հարցերի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր