Դեսպան Մարտիրոսյանը ներկա գտնվեց «Հայաստան» համահայկական հիմնադրամի Տորոնտոյի մասնաճյուղի ամենամյա դրամահավաքին

12 նոյեմբերի, 2017

Նոյեմբերի 12-ին Կանադայում ՀՀ դեսպան Լևոն Մարտիրոսյանը ներկա գտնվեց «Հայաստան» համահայկական հիմնադրամի Տորոնտոյի մասնաճյուղի ամենամյա դրամահավաքին:

Միջոցառման գլխավոր բանախոսն էր Տորոնտոյի Սիմֆոնիկ նվագախմբի գեղարվեստական ղեկավար Փիթեր Ունջյանը: Ձեռնարկին ներկա էին հոգևոր հայրեր, հասարակական-քաղաքական գործիչներ, լրագրողներ, տորոնտոհայ համայնքի բազմաթիվ ներկայացուցիչներ:

Միջոցառման ընթացքում ունեցած իր ելույթում դեսպան Մարտիրոսյանը մեծապես կարևորեց «Հայաստան» համահայկական հիմնադրամի ծավալած գործունեությունը՝ առանձնահատուկ ընդգծելով Տորոնտոյի մասնաճյուղի աշխատանքները: «Միայն վերջին մի քանի տարիների ընթացքում մասնաճյուղը մի քանի միլիոն դոլար արժողությամբ ծրագրեր է իրականացրել Հայաստանում և Արցախում: Այս փաստը Տորոնտոյի մասնաճյուղի նվիրյալների ամենօրյա աշխատանքի խոսուն վկայությունն է: Ցանկանում եմ առիթն օգտագործել և այդ նվիրյալներից յուրաքանչյուրին անհատապես շնորհակալություն հայտնել այն աշխատանքի համար, որ նրանք իրականացնում են», - իր խոսքում մասնավորապես նշեց ՀՀ դեսպանը:

Միջոցառման ընթացքում ՀՀ դեսպանը Փիթեր Ունջյանին հանձնեց ՀՀ սփյուռքի նախարար Հրանուշ Հակոբյանի կողմից վերջինիս շնորհված «Կոմիտաս» մեդալը:

Երեկոյի ընթացքում հավաքված 530.000 ԱՄՆ դոլար գումարն ուղղվելու է Արցախում ոռոգման համակարգի վերակառուցմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր