«InTour Expo 2018» 5-րդ միջազգային զբոսաշրջային ցուցահանդես

14 փետրվարի, 2018

ՀՀ զբոսաշրջության պետական կոմիտեի աջակցությամբ «EXPO GROUP» ընկերությունը Երևանում նախատեսում է կազմակերպել «InTour Expo 2018» 5-րդ միջազգային զբոսաշրջային ցուցահանդես, որը կկայանա 2018թ. ապրիլի 20-ից 22-ը «Երևան Էքսպո» կենտրոնում (ք. Երևան, Հ. Հակոբյան 3, Մերգելյան ինստիտուտի տարածքում):

«InTour Expo 2018» ցուցահանդեսը փորձված հարթակ է ոլորտի մասնագետների և սպառողների շփման և համագործակցության համար: Ցուցահանդեսը բացահայտում է զբոսաշրջային առաջարկների ողջ տեսականին` շրջագայությունների կազմակերպում ինչպես Հայաստանում և Արցախում, այնպես էլ աշխարհի տարբեր երկրներում, ավիափոխադրումներ, հյուրանոցների ամրագրում, գործնական տուրեր, ապահովագրական ծառայություններ և այլն:

Ցուցահանդեսին մասնակից կազմակերպություններին կընձեռվեն բացառիկ հնարավորություններ` ներկայացնելու զբոսաշրջության համար ամենագրավիչ առաջարկները, յուրօրինակ հանգստյան գոտիները, ինչպես նաև իրենց կողմից մատուցվող ծառայությունները:

Նախորդ տարի ցուցահանդեսին մասնակցել են ոլորտի առաջատար ավելի քան 90 կազմակերպություններ և ներկայացուցիչներ, և ցուցահանդեսն ունեցել է ավելի քան 5000 այցելու:

Ցուցահանդեսի վերաբերյալ մանրամասներն` այստեղ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր