Կանադայում ՀՀ դեսպանության հայտարարություն կորոնավիրուսի (COVID-19) տարածման արդյունքում ստեղծված իրավիճակի կապակցությամբ

16 մարտի, 2020

!!! ՈՒՇԱԴՐՈՒԹՅՈՒՆ!!!

Հարգելի հայրենակիցներ,

Հաշվի առնելով կորոնավիրուսի (COVID-19) տարածման արդյունքում ստեղծված իրավիճակը և համաճարակային ռիսկերը՝ հորդորում ենք Կանադայում ՀՀ դեսպանության հյուպատոսական տիրույթում գտնվող ՀՀ քաղաքացիներին կանգնել հյուպատոսական հաշվառման՝ հյուպատոսական հաշվառման ավտոմատացված համակարգի կայքէջում՝ https://www.mfa.am/hy/consular-registration/

կամ տրամադրել տեղեկություն Կանադայում իրենց գտնվելու վայրի վերաբերյալ՝ ուղարկելով ամբողջական տվյալները (անուն, ազգանուն, հայրանուն, ծննդյան ամսաթիվ, նահանգ, քաղաք/ և շուրջօրյա հասանելի հեռախոսահամար/ները) ստորև նշված էլ-փոստի հասցեին՝ armconsottawa@mfa.am։

Հիշեցնում ենք, որ հյուպատոսական հաշվառման կանգնելը կամավոր և անվճար գործընթաց է, որի նպատակն է ՀՀ քաղաքացիների իրավունքների և շահերի պաշտպանությունն ապահովելը, արտակարգ իրավիճակներում հնարավոր աջակցություն ցուցաբերելը, անհրաժեշտ խորհրդատվություն տրամադրելը։

Ստորև ներկայացնում ենք Կանադայում ՀՀ դեսպանության հեռախոսահամարները`

+1 (613)-234-37-10 ext. 3 կամ +1(613)-234-37-10 ext. 1

Թեժ գիծ՝ +1 (343) 5520085 -Whats App և Viber

Խնդրում ենք թողնել ձայնային հաղորդագրություն՝ նշելով ձեր անուն ու ազգանունը, ինչպես նաև ձեր կամ մերձավորների հեռախոսահամարը/ները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր