ՀՀ դեսպանի աշխատանքային այցը Քաղաքացիական ավիացիայի միջազգային կազմակերպության կենտրոնակայան

12 մայիսի, 2024

Մայիսի 7-ին Ն.Գ. դեսպան Անահիտ Հարությունյանը Մոնրեալ կատարած աշխատանքային այցի շրջանակներում մասնակցեց Քաղաքացիական ավիացիայի միջազգային կազմակերպության ներքո գործող Դեպի ծով ելք չունեցող զարգացող երկրների ոչ պաշտոնական աշխատանքային խմբի (ICAO LLDCs IWG) հանդիպմանը։

Նախորդիվ, տեղի ունեցավ հանդիպում մի կողմից՝ Կազմակերպության նախագահ Սալվատորե Շակիտանոյի, գլխավոր քարտուղար Խուան Կարլոս Սալազարի և մյուս կողմից՝ Հայաստանի, Մոնղոլիայի, Նեպալի դեսպանների ու Մոնղոլիայի նախագահի խորհրդականի միջև՝ քննարկելու վերոնշյալ խմբի աշխատանքները։ Դեսպան Հարությունյանը հավաստիացրեց, որ Հայաստանը կշարունակի ջանքեր գործադրել արդյունավետ բազմակողմ համագործակցությունն ամրապնդելու ուղղությամբ՝ նպատակ ունենալով առաջ մղել Դեպի ծով ելք չունեցող զարգացող երկրների ընդհանուր առաջնահերթությունները ՄԱԿ շրջանակներում։ Նախագահ Շակիտանոն վերահաստատեց Դեպի ծով ելք չունեցող զարգացող երկրների ավիացիային աջակցելու Կազմակերպության հանձնառությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր