Հայոց ցեղասպանության 110-րդ տարելիցին նվիրված միջոցառում Օտտավայում

24 ապրիլի, 2025

Հայոց ցեղասպանության 110-րդ տարելիցի օրը՝ ապրիլի 24-ին, ՀՀ դեսպանության շենքի առջև՝ «Անմահ Հայաստան» հուշարձանի մոտ կանադահայոց թեմի առաջնորդ Գերաշնորհ Տ. Աբգար եպիսկոպոս Հովակիմյանի հանդիսապետությամբ մատուցվեց ոգեկոչման կարգ՝ ի հիշատակ 1915թ. Հայոց ցեղասպանության 1,5 միլիոն սրբադասված նահատակների։ Տեղի ունեցավ ծաղկեպսակների զետեղման արարողություն։

Նախորդ օրը՝ ապրիլի 23-ին, կայացավ ջահերով երթ-մոմավառություն դեպի «Անմահ Հայաստան» հուշարձան: Օտտավայի Սուրբ Մեսրոպ Հայաստանյայց Առաքելական Եկեղեցու հոգևոր հովիվ Արժանապատիվ Տ. Դավիթ քահանա Մարգարյանը կարդաց հիշատակի աղոթք։

Հիշատակի բազմաթիվ միոցառումներ անցկացվեցին և դեռ տեղի են ունենալու Օտտավայում, Տորոնտոյում, Մոնրեալում և Կանադայի այլ քաղաքներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր