Դեսպան Հարությունյանը հյուրընկալեց Մոնրեալի «Անջելինա» պատկերասրահի տնօրենին

22 հուլիսի, 2025

Հուլիսի 21-ին Ն.Գ. ՀՀ դեսպան Անահիտ Հարությունյանն ընդունեց «Անջելինա» պատկերասրահի տնօրեն Սինամե Պողոսյանին։

Եվս մեկ անգամ շնորհավորելով Մոնրեալում պատկերասրահի պաշտոնական բացման կապակցությամբ՝ ՀՀ դեսպանն ուրախությամբ արձանագրեց, որ այն հարթակ է տրամադրում թե՛ հայ, թե՛ օտարազգի ստեղծագործողներին, ինչը բացառիկ հնարավորություն է տալիս կանադացիներին և այլ հյուրերին ծանոթանալու ժամանակակից հայ արվեստագետներին։

Վկայակոչելով հաջող համագործակցությունը Հայաստանի նկարիչների միության հետ՝ տնօրենը հայտնեց, որ ներկա պահին պատկերասրահում ցուցադրվում են ավելի քան երկու տասնյակ հեղինակների աշխատանքներ, և նրանց թվում է 20 արվեստագետ ՀՀ-ից։

Զրուցակիցները քննարկեցին նաև հետագա համագործակցության հնարավորությանը վերաբերող հարցեր։

Հանդիպման ավարտին Ս. Պողոսյանը ՀՀ դեսպանությանը նվիրաբերեց հայ գեղանկարիչ Ժորա Բարսեղյանի «Արևածագ» 2017թ. կտավը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր