ՀՀ դեսպանության շենքի տարածքում գտնվող «Անմահ Հայաստան» հուշարձանի վերականգնողական աշխատանքներ

11 սեպտեմբերի, 2025

Օտտավայում ՀՀ դեսպանության հիմնադրման 30-ամյակի շրջանակներում իրականացվել են քանդակագործներ Լևոն և Հայկ Թոքմաջյանների կերտած «Անմահ Հայաստան» հուշարձանի վերականգնողական աշխատանքներ քանդակագործ Վահե Թոքմաջյանի կողմից։

ՀՀ դեսպանությունն իր խորին շնորհակալությունն է հայտնում Թոքմաջյան ընտանիքին համագործակցության համար։

Հիշեցնենք, որ ՀՀ դեսպանության շենքի տարածքում գտնվող «Անմահ Հայաստան» հուշարձանը (տուֆ) պաշտոնապես բացվել է 2002թ. սեպտեմբերի 21-ին և նվիրված է հայ-կանադական բարեկամությանը։ Այն հայոց ազգի ոգու խորհրդանշական արտահայտությունն է՝ փորագրված քարի վրա, ինչպես նաև հայ ժողովրդի երախտագիտությունը Կանադային Հայոց ցեղասպանությունից փրկված փախստականներին 1920-ական թթ. ընթացքում ապաստան տրամադրելու համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր