ՀՀ դրոշի բարձրացման արարողություն Օտտավայում ՀՀ անկախության 34-րդ տարեդարձի առթիվ

21 սեպտեմբերի, 2025

Հայաստանի Հանրապետության անկախության 34-րդ տարեդարձի կապակցությամբ սեպտեմբերի 21-ին Օտտավայի քաղաքապետարանի առջև տեղի ունեցավ ՀՀ դրոշի բարձրացման պաշտոնական արարողություն։

Շնորհավորելով ներկաներին ՀՀ անկախության տոնի առթիվ՝ իր ողջույնի խոսքում Ն.Գ. ՀՀ դեսպան Անահիտ Հարությունյանը մասնավորապես ընդգծեց, որ պատմության մեջ ոչ առաջին անգամ, բայց գուցե առավել քան երբևէ, հայ ժողովուրդը կարիք ունի ցույց տալու ապրելու ու հարատևելու իր զորությունը, համախմբման ու հանուն առաջընթացի պայքարելու կամքը, ապացուցելու, որ համախմբված հայ ժողովրդին որևէ ուժ չի կարող ստիպել հրաժարվելու իր հայրենիքը շենացնելու նպատակից։

Միջոցառմանը ներկա գտնվեցին Օտտավայի Սուրբ Մեսրոպ Հայաստանյայց Առաքելական Եկեղեցու հոգևոր հովիվ Արժանապատիվ Տ. Դավիթ քահանա Մարգարյանը, ինչպես նաև կանադահայ համայնքի բազմաթիվ ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր