Դեսպան Հարությունյանի այցը կանադահայ հայտնի քանդակագործ, նկարիչ Արտո Չաքմաքչյանի տուն

20 փետրվարի, 2026

Փետրվարի 19-ին ՀՀ դեսպան Անահիտ Հարությունյանը Մոնրեալ կատարած աշխատանքային այցի ընթացքում հանդիպեց կանադահայ հայտնի քանդակագործ, նկարիչ Արտո Չաքմաքչյանի այրի Նաիրի Պահլավունի-Չաքմաքչյանին։

Ն. Պահլավունի-Չաքմաքչյանը ՀՀ դեսպանին ներկայացրեց անվանի հայ արվեստագետի հարուստ ժառանգության նմուշները՝ բրոնզե, կավե, գրաֆիկական և այլ ստեղծագործությունները։

Երկուստեք կարևորվեց վաստակաշատ մշակութային գործչի աշխատանքները պահպանելու և հանրության լայն շրջանակներին ներկայացնելու անհրաժեշտությունը։

Քննարկվեցին հետագա համագործակցության հնարավորությունները։

Հավելյալ տեղեկատվություն. Հարություն (Արտո) Չաքմաքչյանը (1933-2019թթ.) եղել է Կանադայի գեղարվեստի թագավորական ակադեմիայի անդամ, 2015թ. նրան շնորհվել է Հայաստանի Հանրապետության պատվո շքանշան։
Նրա՝ «Քայլող մարդը» արձանը 2021թ. տեղադրվել է Երևանի Հյուսիսային պողատայի սկզբնամասում։
Ա. Չաքմաքչյանի այրին 2024թ. նրա 16 գրաֆիկական ստեղծագործությունները և 2 քանդակը նվիրաբերել է Հայաստանի ազգային պատկերասրահին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր