Դեսպան Հարությունյանի հանդիպումը Կարլտոնի ՆԱՏՕ մոդել համաժողովի մասնակից ուսանողների հետ

23 փետրվարի, 2026

Փետրվարի 20-ին ՀՀ դեսպան Անահիտ Հարությունյանն ընդունեց Վինդզորի, Կալգարիի և Սասկաչուանի համալսարանների ուսանողներին, որոնք մասնակցում էին Կարլտոնի համալսարանի կողմից կազմակերպված ՆԱՏՕ մոդել համաժողովին և ի թիվս այլ երկրների՝ ներկայացնում Հայաստանը։

Դեսպան Հարությունյանը ներկայացրեց ՀՀ արտաքին քաղաքականության առաջնահերթությունները, ՀՀ-ՆԱՏՕ գործընկերության առանձնահատկությունները Եվրատլանտյան գործընկերության խորհրդի ու կազմակերպության այլ մեխանիզմերի շրջանակներում, ինչպես նաև ՀՀ հարաբերություններն իր հարևանների հետ՝ հանգամանալից անդրադառնալով «Խաղաղության խաչմերուկ» նախագծին և տարածաշրջանում կայուն ու տևական խաղաղության հաստատման ուղղությամբ անհրաժեշտ քայլերին։

Հանդիպման ավարտին Ա. Հարությունյանը պատասխանեց ուսանողներին հետաքրքրող հարցերին և հաջողություն մաղթեց մոդել համաժողովի ընթացքում։

Ուրախությամբ հայտնում ենք, որ Հայաստանը ներկայացնող Վինդզորի համալսարանի ուսանողն արժանացել է «Distinguished Delegate» մրցանակին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր