ՀՀ պատվիրակության մասնակցությունը «PDAC 2026» միջազգային համաժողովին

06 մարտի, 2026

Մարտի 1-4-ը ՀՀ տարածքային կառավարման և ենթակառուցվածքների նախարարի տեղակալ Ասատուր Վարդանյանի գլխավորած պաշտոնական պատվիրակությունը մասնակցեց Տորոնտոյում կայացած «PDAC 2026» հանքարդյունաբերության ոլորտի ամենախոշոր միջազգային համաժողովին:
Պատվիրակության կազմում ընդգրկված էին նաև Հայաստանի հանքարդյունաբերության և մետալուրգիայի ասոցիացիայի նախագահ Վարդան Ջհանյանը և «Լիդիան Արմենիա» ընկերության գործադիր տնօրեն Հայկ Ալոյանը։

Պատվիրակությունը հանդիպումներ ունեցավ Օնտարիոյի Էներգետիկայի և հանքերի, Քվեբեկի Բնական պաշարների նախարարությունների ներկայացուցիչների և Հանքարդյունաբերության կանադական ասոցիացիայի ավագ փոխնախագահի հետ։ Քննարկվեցին հայ-կանադական համագործակցության հետագա զարգացման ուղիները և հնարավորությունները, մասնավորապես՝ փորձի փոխանակման շուրջ։ Ձեռք բերվեցին առարկայական պայմանավորվածություններ։ Կարևորվեցին ՀՀ ՏԿԵ փոխնախարարի աշխատանքային վերջին երկու այցերը Կանադա, ինչը նպատակ ունի ամրապնդելու ոլորտային փոխգործակցությունը։
Հանդիպումներ տեղի ունեցան նաև միջազգային գործընկերների հետ։

Պատվիրակությանն ուղեկցեց Կանադայում ՀՀ դեսպանության երկրորդ քարտուղար Գոռ Եդիգարյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր