Հայոց ցեղասպանության 111-րդ տարելիցի ոգեկոչման միջոցառումներ Օտտավայի Նոքս եկեղեցում

25 ապրիլի, 2026

Ապրիլի 23-ին, Հայոց ցեղասպանության 111-րդ տարելիցի շրջանակներում, Կանադայում ՀՀ դեսպանության նախաձեռնությամբ Օտտավայի Նոքս պրեսբիտերական եկեղեցում տեղի է ունեցել հայ դասական և հոգևոր երաժշտության համերգ՝ նվիրված 1915-1923թթ. Հայոց ցեղասպանության սուրբ նահատակների հիշատակին։

Միջոցառման բացման իր խոսքում ՀՀ դեսպան Անահիտ Հարությունյանը կարևորել է հայկական ավանդական երաժշտության դերը հայ ժողովրդի ինքնության, ավանդույթների և ոգու պահպանման գործում։

Համերգին ելույթ են ունեցել Մարինե Շահինյանը (սոպրանո) և Խաչատուր Ղազարյանը (դաշնամուր):

Կանադահայոց թեմի առաջնորդ Գերաշնորհ Տ. Աբգար եպիսկոպոս Հովակիմյանի հանդիսապետությամբ մատուցվել է ոգեկոչման կարգ։

Միջոցառումներին ներկա են գտնվել նաև Կանադայի ԱԳ նախարարության և այլ պետական մարմինների պաշտոնյաներ, Կանադա-Հայաստան խորհրդարանական բարեկամական խմբի պատգամավորներ, տարբեր երկրների դեսպաններ, հավատարմագրված դիվանագիտական առաքելությունների այլ ներկայացուցիչներ, Հայ առաքելական և կաթողիկե եկեղեցիների հոգևոր հայրեր, ինչպես նաև հայ, հունական և այլ համայնքների բազմաթիվ ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր