Դեսպան Հարությունյանի աշխատանքային այցը Քաղաքացիական ավիացիայի միջազգային կազմակերպության կենտրոնակայան

24 հունիսի, 2026

Հունիսի 23-ին ՀՀ դեսպան Անահիտ Հարությունյանը Մոնրեալ կատարած աշխատանքային այցի շրջանակներում մասնակցեց Քաղաքացիական ավիացիայի միջազգային կազմակերպության ներքո գործող Դեպի ծով ելք չունեցող զարգացող երկրների ոչ պաշտոնական աշխատանքային խմբի (ICAO LLDCs IWG)՝ Կազմակերպության խորհրդի նախագահ Տոշիյուկի Օնումայի հետ հանդիպմանը։

Հանդիպմանը մասնակցեցին նաև մի կողմից՝ Կազմակերպության գլխավոր քարտուղար Խուան Կարլոս Սալազարը, Օդային տրանսպորտի բյուրոյի տնօրեն Մոհամեդ Խալիֆա Ռահման, և մյուս կողմից՝ Մոնղոլիայի (IWG նախագահող), Նեպալի դեսպաններն ու Կազմակերպությունում Ղազախստանի և Ուգանդայի մշտական ներկայացուցիչները՝ քննարկելու վերոնշյալ խմբի աշխատանքները։

Դեսպան Հարությունյանը վերահաստատեց Հայաստանի պատրաստակամությունը շարունակելու ջանքեր գործադրել արդյունավետ բազմակողմ համագործակցության ուղղությամբ՝ նպատակ ունենալով առաջ մղել Դեպի ծով ելք չունեցող զարգացող երկրների ընդհանուր առաջնահերթությունները ՄԱԿ շրջանակներում։

Նախագահ Օնուման հաստատեց Դեպի ծով ելք չունեցող զարգացող երկրների ավիացիային աջակցելու Կազմակերպության հանձնառությունը։

Այնուհետև կայացավ հանդիպում Կազմակերպության ներկայացուցիչների՝ վերոնշյալ աշխատանքային խմբի նախաձեռնությունների իրականացմանն աջակցող թիմի հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր