<<Անդրադարձ Հայաստանին>>

11 մայիսի, 2012

Հայկական գրատպության 500-ամյակի առթիվ Կանադայում ՀՀ դեսպանատանը ս.թ. մայիսի 11-ին տեղի ունեցավ թատերա-երաժշտական միջոցառում՝ <<Անդրադարձ Հայաստանին>> խորագրով:

Միջոցառման նպատակն էր օտարերկրյա կին պաշտոնյաներին ծանոթացնել հայ հարուստ մշակույթի հետ: Հրավիրված էին Օտտավայի Տիկնանց Դիվանագիտական Ընկերակցության անդամներ, Կանադայում հավատարմագրված կին-դեսպաններ, կանադացի կին պաշտոնյաներ:

Ցուցադրվեց Հայաստանի մասին պատմող կարճամետրաժ տեսաֆիլմ, օտտավահայ երաժիշտների կատարմամբ հնչեցին Ա.Խաչատրյանի և Ա.Բաբաջանյանի դաշնամուրային ստեղծագործություններից հատվածներ: Կանադահայ հայտնի օպերային երգչուհի Արմինե Կասաբյանի կատարմամբ հնչեցին երգեր` հայ երգահանների գործերից: Տեղի ունեցան հայ թագավորական տարազների ցուցադրություն և հայկական պարային կատարումներ, որին հետեւեց ընդունելություն:

Լուսանկարներ

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր