«Քարերի գաղտնիքն ու հմայքը». Անիի մայրաքաղաք հռչակման 1050-ամյա հոբելյանին նվիրված ցուցահանդես

07 մարտի, 2013

Փետրվարի 27-ից մարտի 24-ը Կանադայի Մոնրեալ քաղաքում գտնվող Վարպետների և Արհեստների Քեբեքի թանգարանում (Musée des maîtres et artisans du Québec) ցուցադրվում է «Քարերի գաղտնիքն ու հմայքը» ցուցահանդեսը` նվիրված Անիի մայրաքաղաք հռչակման 1050-ամյա հոբելյանին: Անիի ճարտարապետությանն ու խորհրդանիշներին նվիրված այս յուրօրինակ ցուցահանդեսի հեղինակն է ՀՀ Ճարտարապետության ազգային թանգարան-ինստիտուտի տնօրեն, պրոֆեսոր Աշոտ Գրիգորյանը:

Մարտի 7-ին Կանադայում ՀՀ դեսպանությունը հյուրընկալեց պրոֆեսոր Գրիգորյանի դասախոսությունը: Բացման խոսքով հանդես եկավ Կանադայում ՀՀ դեսպան Արմեն Եգանյանը, ով, ողջունելով ներկաներին, անդրադարձավ հայկական բազմադարյան ճարտարապետությանը և դրա ազդեցությանը համաշխարհային ճարտարապետական ավանդույթների վրա:

Պրոֆեսոր Գրիգորյանն իր դասախոսությամբ հյուրերին մանրամասն ներկայացրեց հայկական ճարտարապետության ակունքները, խորհրդանշային համակարգը, դրա կիրառումը ինչպես Անիում, այնպես և առհասարակ ճարտարապետական ոճում:

«Քարերի գաղտնիքն ու հմայքը» ցուցահանդեսը հետագայում կցուցադրվի նաև կանադական մի շարք այլ քաղաքներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր