Կանադայում ՀՀ դեսպանությունը մասնակցեց «Օտտավայի բաց դռներ» ծրագրին

03 հունիսի, 2013

Հունիսի 1-2-ին Կանադայում ՀՀ դեսպանությունը մասնակցեց «Օտտավայի բաց դռներ 2013» ծրագրին: Ծրագիրը նախատեսված է Կանադայի մայրաքաղաքի ժառանգության մասը կազմող շենքերի համար, որոնց ցանկում Կանադայում ՀՀ դեսպանության շենքն ընդգրկվել է 2007թ.-ին:

Երկու օր տևած բաց դռների միջոցառման շրջանակներում դեսպանությունն ընդունեց մոտ 1000 այցելու, ովքեր ծանոթացան շենքի ճարտարապետությանն ու պատմությանը: Կանադական մայրաքաղաքի ժառանգության մասը կազմող շենքն ունի ավելի քան հարյուր տարվա պատմություն, նախկինում դրանում են տեղակայված եղել Ուրուգվայի, ապա Հունգարիայի դեսպանությունները: Այժմ շենքը պատկանում է Հայաստանի Հանրապետության կառավարությանը:

Աննախադեպ քանակի այցելուները նաև հնարավորություն ունեցան տեղեկություններ ստանալ հայկական մշակույթի և պատմության վերաբերյալ: Դեսպանության աշխատակիցները հանգամանալից ներկայացնում էին հայկական արվեստը, խաչքարերի, եկեղեցիների դերն ու արժեքը հայկական ճարտարապետության մեջ` շեշտադրելով Հայաստանի` քրիստոնեություն ընդունած առաջին պետությունը լինելու հանգամանքը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր