Երաժշտական մրցույթ Երեխաների պաշտպանության միջազգային օրվա կապակցությամբ

09 հունիսի, 2013

Երեխաների պաշտպանության միջազգային օրվա կապակցությամբ հունիսի 8-ին Կանադայում ՀՀ դեսպանությունում կազմակերպվեց երաժշտական մրցույթ` մինչև 21 տարեկան կանադահայ կատարողների համար:

Միջոցառմանը մասնակցեցին ութ պատանի երաժիշտներ ինչպես Օտտավայից, այնպես էլ Մոնրեալից և Տորոնտոյից, ովքեր հանդես եկան կիթառային, վոկալ, դաշնամուրային և ջութակի կատարումներով:

Մասնագիտացված ժյուրին` կոմպոզիտոր Ժան Սարգսյանի գլխավորությամբ, խրախուսական դրամական պարգևներ հանձնեց լավագույն կատարողներին: Մրցանակներին արժանացան Նորա Բողոսյանը` վոկալ, Մինե Ծատուրյանը`վոկալ, և Եղիա Բողոսյանը` դաշնամուր: Դեսպանի հատուկ մրցանակներին արժանացան 6-ամյա Թալար Աղազարյանը և Եղիա Բողոսյանը: Բոլոր մասնակիցներն արժանացան Մասնակցության վկայականի:

Երեխաների պաշտպանության միջազգային օրվա առթիվ կազմակերպվող ամենամյա մրցույթն իրականացվում է Կանադայում ՀՀ դեսպանի տիկին Մարիա Եգանյանի հովանու ներքո:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր