Ռիֆատ Բալիի գրքի շնորհանդեսը

24 հոկտեմբերի, 2013

Վերջերս անգլերեն լեզվով հրատարկված «Պետության օրինակելի քաղաքացիներ. Թուրքիայի հրեաները բազմակուսակցական ժամանակաշրջանում» գրքի շնորհանդեսներով կանադական Տորոնտո և Մոնրեալ քաղաքներում հանդես եկավ հայտնի թուրք հեղինակ Ռիֆատ Բալին: Ռ.Բալին Թուրքիայի հրեական համայնքի ակտիվ ներկայացուցիչ է և 1990-ական թվականներից հանդես է եկել Թուրքիայում հակասեմության և հրեաների պարտադրված թրքացման վերաբերյալ մի շարք գրքերով:

Հոկտեմբերի 20-ին Մոնրեալում կայացած շնորհանդեսի առթիվ իր ելույթում հեղինակն անդրադարձավ Հայոց ցեղասպանության խնդիրներին, Թուրքիայի մերժողական քաղաքականությանը, հրեական և թուրքական լոբբիստական կազմակերպությունների համատեղ աշխատանքին` ուղված ԱՄՆ Կոնգրեսում Հայոց ցեղասպնաության ճանաչող բանաձևի դեմ:

Գրքի շնորհանդեսին ներկա գտնվող Կանադայում ՀՀ դեսպան Արմեն Եգանյանը շնորհակալություն հայտնեց Բալիին արդարության վերականգնմանը ուղղված անձնուրաց գործունեության համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր