Դեսպան Եգանյանը դասախոսությամբ հանդես եկավ Քվեբեք Սիթիի Լավալ համալսարանում

06 նոյեմբերի, 2013

Նոյեմբերի 6-ին Կանադայում ՀՀ դեսպան Արմեն Եգանյանը դասախոսությամբ հանդես եկավ կանադական Քվեբեք Սիթիի Լավալ համալսարանում` ի նշանավորումն համալսարանի քաղաքական համակարգերի ուսումնասիրության կենտրոնի շրջանակներում Հայաստանի ուսումնասիրության խմբի ձեւավորման:

Իր դասախոսության շրջանակներում դեսպանը անդրադարձավ հայ ժողովրդի պատմության կարեւորագույն էջերին, ներկայացրեց հայ-կանադական երկկողմ քաղաքական, տնտեսական եւ մշակութային հարաբերությունները, Հայոց ցեղասպանության միջազգային ճանաչման հարցը եւ Հայաստանի հարաբերությունները Ֆրանկոֆոնիայի միջազգային կազմակերպության հետ: Դասախոսությանը հաջորդած հարց ու պատասխանի եւ կլոր սեղանի ընթացքում դեսպանը պատասխանեց նորաստեղծ խմբի ներկայացուցիչների, ինչպես նաեւ այլ ներկաների հարցերին: Դեսպանը համալսարանի սոցիալական գիտությունների ֆակուլտետի դեկան Ֆրանսուա Բլեյի եւ նորաստեղծ խմբի ղեկավար Ֆրանսուա-Պիեր Կարտոլանոյի հետ քննարկեց Լավալ համալսարանի եւ հայկական ԲՈՒՀ-երի միջեւ համագործակցությանն առնչվող հարցեր:

Քվեբեք Սիթի այցելության շրջանակներում դեսպանը այցելեց եւ ծաղիկներ տեղադրեց Կոմիտասին նվիրված հուշարձանին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր