Ջիմ Կարիջիաննիսին շնորհվել է Մխիթար Գոշի մեդալ

25 սեպտեմբերի, 2014

Կանադայում ՀՀ դեսպանությունը տեղեկացնում է, որ ՀՀ նախագահ Սերժ Սարգսյանի հրամանագրով կանադական քաղաքական գործիչ Ջիմ Կարիջիաննիսը պարգևատրվել է Մխիթար Գոշի մեդալով` Հայոց ցեղասպանության միջազգային ճանաչման գործում ներդրած նշանակալի ավանդի համար:

Ջիմ Կարիջիաննիսը, ազատական կուսակցության անդամ, 25 տարի շարունակ ներկայացնում էր կանադական խորհրդարանում Սկարբորո-Ագինկորտ շրջանը: Նա հանդիսանում էր Կանադա-Հայաստան խորհրդարանական բարեկամության խմբի փոխնախագահը, մեծ ավանդ է ունեցել Կանադայի խորհրդարանի կողմից Հայոց ցեղասպանությունը ճանաչող օրինագծերի ընդունման հարցում, եղել է առաջին կանադացի խորհրդարանականը, ով այցելել է Լեռնային Ղարաբաղի Հանրապետություն` դիտորդական առաքելությամբ 2012թ. ԼՂՀ նախագահական ընտրություններին:

Կանադայում ՀՀ դեսպանության ողջ անձնակազմը շնորհավորում է պարոն Կարիջիաննիսին օտարերկրյա պետական-քաղաքական գործիչներին տրվող բարձրագույն պարգևին արժանանալու կապակցությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր