Դրամահավաք Մոնրեալում Հայոց ցեղասպանության 100-ամյակի միջոցառումների համար

17 նոյեմբերի, 2014

Նոյեմբերի 16-ին Կանադայում ՀՀ դեսպանի հովանավորությամբ Մոնրեալում տեղի ունեցավ Հայոց ցեղասպանության 100-ամյակի միջոցառումների համար նախատեսված անդրանիկ հանգանակությունը:

Իր ելույթում Կանադայում ՀՀ դեսպան Արմեն Եգանյանը մասնավորապես շեշտեց, որ ցեղասպանական դրսևորումները դեռ շարունակվում են, ինչի անժխտելի ապացույցն է վերջերս Դեր Զորի Սրբոց Նահատակաց հայկական եկեղեցու ու թանգարանի պայթեցումը «Իսլամական պետության» գրոհայինների կողմից:

Միջոցառմանը ներկա էր նաև «Կալիֆորնիա Քուրիեր» թերթի գլխավոր խմբագիր, հայտնի հրապարակախոս Հարութ Սասունյանը, ով մանրամասն զեկույց ներկայացրեց Մեծ Եղեռնի հետևանքների վերացման վերաբերյալ:

Հանգանակությանը մասնակցեց թվով մոտ 400 հոգի, և հավաքագրվեց շուրջ 150000 կանադական դոլար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր