Սպիտակի երկրաշարժի 26-րդ տարելիցին նվիրված միջոցառում Տորոնտոյում

09 դեկտեմբերի, 2014

Դեկտեմբերի 7-ին Տորոնտոյի Սուրբ Երրորդություն եկեղեցում տեղի ունեցավ 1988թ. Սպիտակի երկրաշարժի զոհերի հիշատակին նվիրված հոգեհանգստյան պատարագ, որը մատուցեց Կանադայի Հայոց թեմի նորաօծ առաջնորդ Տեր Աբգար եպիսկոպոս Հովակիմյանը:

Պատարագին ներկա էին Կանադայի խորհրդարանի պատգամավոր, պահպանողական կուսակցության անդամ Ջո Դենիելը, Ռումինիայի Հայոց թեմի առաջնորդ Տեր Տաթև եպիսկոպոս Հակոբյանը, Կանադայում ՀՀ դեսպան Արմեն Եգանյանը, բազմաթիվ կանադահայեր:

Դեսպան Եգանյանը, դիմելով ներկաներին, առանձնակի ուշադրություն հրավիրեց դեկտեմբերյան արհավիրքին միջազգային հանրության կողմից տրված արձագանքին, հայկական համայնքների մարդասիրական մասնակցությանը, արդյունքում սփյուռք-հայրենիք կապերի ամրապնդմանը, ավերիչ երկրաշարժի ստեղծած հետևանքների շարունակական հաղթահարմանը:

Ջո Դենիելը ներկաներին փոխանցեց Կանադայի վարչապետի ցավակցությունները:

Սպիտակի երկրաշարժի զոհերի հիշատակին նվիրված պատարագներ մատուցվեցին նաև Կանադայի մի շարք այլ քաղաքներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր