Տեղի ունեցավ ՀՀ ԱԺ նախագահ Գալուստ Սահակյանի պաշտոնական այցը Կանադա

27 մայիսի, 2015

Մայիսի 22-28-ը տեղի ունեցավ ՀՀ ԱԺ նախագահ Գալուստ Սահակյանի պաշտոնական այցը Կանադա։

Կանադական խորհրդարանի երկու պալատների խոսնակների հրավերով տեղի ունեցած այցը նպատակ էր հետապնդում զարգացնել երկկողմ հարաբերությունների դինամիկան և մանրամասնորեն քննարկել բարեկամական պետությունների օրակարգում առկա հարցերը։

Գ.Սահակյանի գլխավորած պատվիրակության այցը սկսվեց Մոնրեալ քաղաքից, որտեղ ՀՀ ԱԺ նախագահը հանդիպումներ ունեցավ Քվեբեք նահանգի Ազգային Ժողովի նախագահ Ժակ Շանյոնի և Մոնրեալի քաղաքապետ Դենիս Կոդերի հետ։ Միևնույն ժամանակ հանդիպումներ տեղի ունեցան կանադահայ համայնքի ներկայացուցիչների հետ։

Պատվիրակության այցը շարունակվեց մայրաքաղաք Օտտավայում, որտեղ պաշտոնական հանդիպումներ տեղի ունեցան խորհրդարանի համայնքների պալատի խոսնակ Էնդրյու Շիրի և Սենատի նախագահ Լեո Հուսակոսի հետ։ Երկու հանդիպումների ընթացքում բարձր գնահատվեց զույգ խորհրդարանների միջև առկա հարաբերությունների մակարդակը և վստահություն հայտնվեց դրանց դրական զարգացման կապակցությամբ։

ԱԺ նախագահ Սահակյանը հանդիպում ունեցավ Կանադայի ազգային պաշտպանության և բազմամշակութայնության նախարար Ջեյսոն Քեննիի հետ։ Կողմերը ջերմորեն հիշեցին 2014թ. հուլիսին Երևանում կայացած հանդիպումը և ընդգծեցին երկու պետությունների ժողովուրդներին կամրջող արժեքների շուրջ երկխոսության ընդլայնման հրամայականը։ Հայկական պատվիրակությունը նաև հանդիպեց Ֆրանկոֆոնիայի խորհրդարանական վեհաժողովի (APF) կանադական մասնաճյուղի հետ` քննարկելու համագործակցությունը Ֆրանկոֆոնիայի միջազգային կազմակերպության շրջանակներում:

ՀՀ ԱԺ պատվիրակության այցի շրջանակներում երկու պետությունների խորհրդարաններում գործող բարեկամական խմբերի նախագահներ Հովհաննես Սահակյանն ու Հարոլդ Ալբրեխտը ստորագրեցին համատեղ հռչակագիր՝ վերահաստատելով ժողովրդավարությանն ուղղված հանձնառությունը և միասնական մարտահրավերներին ու սպառնալիքներին դիմադրելու հաստատուն պատրաստակամությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր