Դեսպան Եգանյանը մասնակցեց «Հորիզոն» շաբաթաթերթի 35-րդ տարեդարձին նվիրված միջոցառմանը

01 նոյեմբերի, 2015

Նոյեմբերի 1-ին Կանադայում ՀՀ դեսպան Արմեն Եգանյանը մասնակցեց Մոնրեալում լույս տեսնող «Հորիզոն» հայկական շաբաթաթերթի 35-ամյակին նվիրված միջոցառմանը:

Երեկոյին ներկա էին Գերաշնորհ Տեր Մեղրիկ Եպիսկոպոս Բարիքեանը, հոգևոր հայրեր, հասարակական-քաղաքական գործիչներ, լրագրողներ, հայ համայնքի բազմաթիվ ներկայացուցիչներ:

Պարբերականի տարեդարձին նվիրված իր խոսքում դեսպան Եգանյանը նշեց այն առանձնահատուկ դերը, որը շաբաթաթերթը ձեռք է բերել իր գոյության 35 տարիների ընթացքում` հասանելի դառնալով և ընթերցվելով ոչ միայն կանադահայության և կանադացիների, այլև աշխարհի տարբեր ծայրերում բնակվող հայերի ու օտարազգիների կողմից: Դա, ըստ դեսպանի, ապացույցն է նրա, որ շաբաթաթերթը կայացել է, և որ վերջինիս խմբագրությունն ամենօրյա տքնաջան աշխատանքով հաղթահարում է իր առջև դրված խնդիրները:

Երեկոյի ընթացքում դեսպան Եգանյանը նաև Կանադայում ՀՀ դեսպանության պատվոգրով պարգևատրեց «Հորիզոն» շաբաթաթերթի գլխավոր խմբագիր Վահակն Գարագաշեանին` հայապահպանության գործում վերջինիս ունեցած անուրանալի ավանդի համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր