Հայոց ցեղասպանության 100-րդ տարելիցին նվիրված համերգներ Կանադայում

08 նոյեմբերի, 2015

Նոյեմբերի 8-ին ՀՀ սփյուռքի նախարարության և Տորոնտոյի ՀՈՄԵՆԵԹՄԵՆ-ի մասնաճյուղի համատեղ կազմակերպմամբ և Կանադայում ՀՀ դեսպանության աջակցությամբ Տորոնտո քաղաքում կայացավ անվանի հայ երգչուհի, ՀՀ վաստակավոր արտիստ Նունե Եսայանի համերգը` նվիրված Հայոց ցեղասպանության 100-րդ տարելիցին: Ողջ Հյուսիսային Ամերիկա մայրցամաքն ընդգրկող համերգաշարը կրում է «Կանք, պիտի լինենք ու դեռ շատանանք» խորագիրը:

Համերգին ներկա էին Կանադայում ՀՀ դեսպան Արմեն Եգանյանը, հասարակական-քաղաքական և մշակութային գործիչներ, կանադահայ համայնքի բազմաթիվ ներկայացուցիչներ:

Իր ողջույնի խոսքում դեսպան Եգանյանը շնորհակալություն հայտնեց Նունե Եսայանին` հայ երաժշտությունն ու մշակույթն ամբողջ աշխարհով լսելի դարձնելու և սփյուռքի հայ համայնքներին Հայաստանի շունչը փոխանցելու համար: Դեսպանը ողջունեց Կանադայում տիկին Եսայանի համերգների կազմակերպման փաստը` ընդգծելով դրանց կարևորությունը հատկապես Հայոց ցեղասպանության 100-րդ տարելիցի մշակութային միջոցառումների շրջանակներում:

Նունե Եսայանի կատարումներն արժանացան ներկաների ջերմ ընդունելությանը:

Մինչ այդ, հոկտեմբերի 30-ին Նունե Եսայանը համերգով հանդես էր եկել նաև Կանադայի Մոնրեալ քաղաքում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր