Դեսպան Եգանյանը մասնակցեց Մոնրեալի Սուրբ Գրիգոր Լուսավորիչ առաջնորդանիստ եկեղեցու օծման 45-ամյակին նվիրված միջոցառմանը

13 դեկտեմբերի, 2015

Դեկտեմբերի 13-ին Կանադայում ՀՀ դեսպան Արմեն Եգանյանը մասնակցեց Մոնրեալի Սուրբ Գրիգոր Լուսավորիչ առաջնորդանիստ եկեղեցու օծման 45-ամյակին նվիրված միջոցառմանը:

Դեսպանը նախ ներկա եղավ Հայ Առաքելական եկեղեցու Կանադայի թեմի առաջնորդ, տեր Աբգար եպիսկոպոս Հովակիմյանի կողմից մատուցված Սուրբ պատարագին, իսկ այնուհետև մասնակցեց եկեղեցու օծման 45-ամյակին նվիրված տոնական ձեռնարկին:

Երեկոյին ներկա էին տեր Աբգար եպիսկոպոս Հովակիմյանը, հասարակական-քաղաքական գործիչներ, հայ համայնքի բազմաթիվ ներկայացուցիչներ:

Եկեղեցու օծման 45-ամյակին նվիրված իր խոսքում դեսպան Եգանյանը նշեց այն բացառիկ դերը, որն ունեցել է առաջնորդանիստ եկեղեցին կանադահայության կյանքում` սկսած իր հիմնադրման օրվանից մինչ այսօր: Դեսպանն ընդգծեց, որ ինչպես ամբողջ աշխարհում, այնպես էլ Կանադայում հայապահպանության կարևորագույն սյուներից մեկն էլ հայոց լեզվի ու հայկական դպրոցի հետ մեկտեղ հանդիսանում է հայ եկեղեցին, որը հարյուրամյակներ շարունակ պետականություն չունեցող հայ ժողովրդի համար միավորող և ամրացնող սյան դեր է կատարել:

Երեկոյի ընթացքում կատարումներով հանդես եկան երգի-պարի ազգային համույթներ և անհատ կատարողներ: Ցուցադրվեց Սուրբ Գրիգոր լուսավորիչ եկեղեցու պատմությանը նվիրված վավերագրական ֆիլմ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր