Օպերային երաժշտության երեկո Կանադայում ՀՀ դեսպանությունում

11 փետրվարի, 2016

Փետրվարի 11-ին Կանադայում ՀՀ դեսպանությունում կայացավ օպերային երաժշտության երեկո, որին ներկա էին Կանադայի դիվանագիտական կորպուսը ներկայացնող շուրջ 80 հրավիրյալներ:

Կանադայում ՀՀ դեսպանի տիկնոջ` Մարիա Եգանյանի նախաձեռնությամբ իրականացվող «Մշակութային խաչմերուկներ» ծրագրի շրջանակներում կայացած հերթական համերգին կատարումներով հանդես եկան կանադական օպերայի հռչակավոր սոպրանո Սաշա Ջիհանյանը, Մոնրեալից տաղանդաշատ տենոր Էլի Բերբերյանը, հայտնի խմբավար, դաշնակահարուհի Գոհար Մանվելյանը: «Մշակութային խաչմերուկներ» ծրագրի նպատակն է տաղանդաշատ կանադահայ արվեստի գործիչներին ներկայացնել կանադական և միջազգային ունկնդրի լայն շրջանակներին:

Համերգից հետո ունեցած իր ողջույնի խոսքում դեսպան Եգանյանը շնորհակալություն հայտնեց երեք հայտնի արտիստներին` ներկաներին անմոռանալի երեկո մատուցելու համար, և վստահաբար նշեց, որ երեք տարի առաջ սկիզբն առած «Մշակութային խաչմերուկներ» ծրագրի շրջանակներում նմանատիպ համերգները լինելու են շարունակական և իրենց ուրույն տեղն են ունենալու Օտտավայի մշակութային կյանքում:

Համերգի ընթացքում հնչեցին դրվագներ Սայաթ-Նովայի, Կոմիտասի, Բաբաջանյանի, Պուչինիի, Դվորակի, Կարդիլլոյի և այլոց ստեղծագործություններից: Բոլոր կատարումները մեծ ջերմությամբ ընդունվեցին ներկաների կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր