Դեսպան Եգանյանի հանդիպումը Կանադայի ժառանգության նախարարի հետ

22 ապրիլի, 2016

Ապրիլի 22-ին Կանադայում ՀՀ դեսպան Արմեն Եգանյանը հանդիպում ունեցավ Կանադայի ժառանգության նախարար Մելանի Ժոլիի հետ, ում իրավասության մեջ է մտնում ինչպես մշակութային ոլորտը, այնպես էլ հեռահաղորդակցությանն ու կապին վերաբերող բնագավառները:

Հանդիպման ընթացքում անդրադարձ կատարվեց երկկողմ հարաբերություններին վերաբերող հարցերի լայն շրջանակի:

Ամփոփելով 2015թ. ընթացքում կայացած` Հայոց ցեղասպանության 100-րդ տարելիցին նվիրված միջոցառումները` կողմերը քննարկեցին 2016թ. սպասվող միջոցառումները` մասնավորապես անդրադառնալով ապրիլի 23-ին Երևանում կայանալիք «Ընդդեմ ցեղասպանության հանցագործության» երկրորդ Գլոբալ ֆորումին: Նախարար Ժոլին նշեց, որ քաջատեղյակ է Կանադայում սպասվելիք` Ցեղասպանության 101-րդ տարելիցի միջոցառումներին և մայիսի 8-ին մասնակցելու է այդ կապակցությամբ Մոնրեալ քաղաքում կայանալիք քայլերթին:

Դեսպանը Եգանյանը նախարար Ժոլիին մանրամասն ներկայացրեց ապրիլի սկզբին Արցախի նկատմամբ Ադրբեջանի կողմից իրականացված հարձակումը և դրա հետևանքները: ՀՀ դեսպանը նշեց, որ հարկավոր է հանդես գալ հստակ վերաբերմունքով և հասցեական կոչերով դատապարտել ռազմական գործողությունները նախաձեռնողին:

Արմեն Եգանյանն ու Մելանի ժոլին քննարկեցին ՀՀ Անկախության 25-րդ, 2017-ին Հայաստանի ու Կանադայի միջև դիվանագիտական հարաբերությունների հաստատման 25-րդ տարեդարձերի, ինչպես նաև Կանադայի 150-ամյակի կապակցությամբ համատեղ ծրագրված մշակութային միջոցառումների իրականացման ընթացքին առնչվող հարցեր: Տիկին Ժոլին նշեց, որ նա մշտապես աջակցելու է այդ բոլոր նախագծերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր