Հայաստանի և Կանադայի միջև դիվանագիտական հարաբերությունների հաստատման 25-ամյակի առթիվ կայացավ երկու երկրների ԱԳ նախարարների նամակների փոխանակումը

31 հունվարի, 2017

Հունվարի 31-ին Կանադայում ՀՀ դեսպան Արմեն Եգանյանը հանդիպում ունեցավ Կանադայի արտաքին գործերի նախարարի տեղակալ Յան Շուգարտի հետ:

Շնորհավորելով պարոն Շուգարտին Հայաստանի և Կանադայի միջև դիվանագիտական հարաբերությունների հաստատման 25-ամյակի առթիվ` դեսպան Եգանյանը վստահություն հայտնեց, որ 25 տարիների ընթացքում երկու երկրների միջև հաստատված ջերմ բարեկամական հարաբերությունները հաջորդ քառորդդարյա հատվածում ավելի կզարգանան և կամրապնդվեն:

Իր հերթին նախարարի տեղակալ Շուգարտը շնորհավորեց ՀՀ դեսպանին և նշեց, որ Կանադան բարձր է գնահատում և կարևորում է Հայաստանի հետ վերընթաց զարգացող հարաբերություններն ու մեծ հարգանքով է վերաբերվում երկրի կյանքում կանադահայ համայնքի ունեցած ներդրմանը:

Հանդիպման ընթացքում դեսպան Եգանյանն ու նախարարի տեղակալ Շուգարտը փոխանակեցին երկու երկրների ԱԳ նախարարների կողմից` դիվանագիտական հարաբերությունների հաստատման 25-ամյակի առթիվ միմյանց հղած նամակները:

Զրուցակիցներն անդրադարձան հայ-կանադական երկկողմ հարաբերությունների ներկա զարգացումներին, ընդգծեցին երկու երկրների արդյունավետ համագործակցությունը միջազգային կազմակերպությունների, հատկապես Ֆրանկոֆոնիայի միջազգային կազմակերպության շրջանակներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր