Դեսպան Հարությունյանի հանդիպումը Կանադայի Սենատի նախագահի հետ

11 ապրիլի, 2024

Ապրիլի 11-ին Ն.Գ. դեսպան Անահիտ Հարությունյանին ընդունեց Կանադայի Սենատի խոսնակ Ն.Գ. Ռեմոնդ Գանյեն։

Հանդիպման ընթացքում զրուցակիցները քննարկեցին երկկողմ քաղաքական օրակարգին, խորհրդարանական դիվանագիտությանը, ինչպես նաև տարածաշրջանային անվտանգությանն առնչվող մի շարք հարցեր։
Կողմերն ընդգծեցին միջխորհրդարանական կապերի շարունակական ամրապնդման անհրաժեշտությունը՝ ուշադրություն հրավիրելով կանանց քաղաքական առավել ներգրավվածության ապահովման խնդրի վրա։
Առանձնահատուկ կարևորվեց երկկողմ համագործակցությունը միջազգային կազմակերպությունների, մասնավորապես՝ Ֆրանկոֆոնիայի միջազգային կազմակերպության շրջանակներում։
Հայաստանում իրականացվող ժողովրդավարական բարեփոխումների համատեքստում հատուկ անդրադարձ կատարվեց կրթության ոլորտի հետագա զարգացման կարևորությանը։

Լուսանկարը՝ Սենատի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր